Oh Chi pena a lutò cori
Fuoru o vergini Maria
Di ‘ddu viecchiu ddi paroli
Quannu ‘mbrazza a Gesù avìa
Stu tò figghiu tantu bieddu
Ti sarà comu un cutieddu.
Chista fu la prima spata
O gran Matri Addilurata.
Oh Chi pena t’appi a dari
Quannu Erodi ittau li banni
Ca s’avissiru ammazzari
I bambini fra i du’anni,
bisognasti iri in Egitto
ccu to figghiu binidittu.
Chista fu l’autra spata
O gran Matri Addilurata.
Matri afflitta,cuomu tuorni?
Lu pirdisti a lutòamuri,
lu circasti ppì tri iorna
ccu gran pena e ccuduluri,
lu trovasti ‘nti lu tempiu
unni dava ranni esempiu.
Chista fu la terza spata
O gran Matri Addilurata.
Quali affannu Tu pruvasti
O gran Vergini Maria
Quannu a Cristu Tu n’cuntrasti
Ca la cruci n’cuoddu avia,
cci vulivi dari aiutu
ma ti vinni pruibitu.
Chista fu la quarta spata
O gran Matri Addilurata.
Cuomu avisti a simpurtari
Quannu arzasti lu tò figghiu
Lu vidisti agunizzari
Supra un lignu lu tò figghiu
Tuttu afflittu e laceratu
Dava sangu d’ogni latu.
Chista fu la quinta spata
O gran Matri Addilurata.
Mori un Diu, Verbu Incarnatu
Ppì sarbari li piccatura
Già si rapi lu custatu
Ppì l’accessu di l’amuri
Matri avìsti a vidìri
Gesù mortu anchi patiri.
Chista fu la sesta spata
O gran Matri Addilurata.
Ma Gesù nun ha fiura
E in senu fu purtatu
Cu ci duna sipurtura
Cuomu un latru ributtatu
Matri avìsti a vidìri
Poi ppì fallu seppelliri.
Chista fu l’ultima spata
O gran Matri Addilurata.